"Бавария" дарвозабони Свен Ульрайхнинг оиласида даҳшатли фожиа юз берди. Футболчининг ўғли касаллик билан курашиб олти ёшида вафот этган. Воқеага Мадриднинг "Реал" клуби муносабат билдирди.
"Реал", клуб президенти ва директорлар кенгаши "Бавария" футболчиси Свен Ульрайхга ўғлининг вафоти муносабати билан ҳамдардлик билдиради. Шунингдек, унинг оила аъзолари ва яқинларига ҳамдардлик билдирамиз. Руҳи шод бўлсин", - дейилади "қаймоқранглилар" хабарида.
Свен Ульрайх якшанба куни 37 ёшга тўлади. "Бавария" сафида дарвозабон 103 та расмий ўйин ўтказиб, 117 та гол ўтказиб юборган. "Бавария" янги мавсумнинг илк ўйинини 16 август куни Германия Суперкубоги доирасида "Штутгарт"га қарши ўтказади.
