"Пари Сер-Жермен" клуби ҳимоячиси ва Бразилия терма жамоаси сардори Тиаго Силва уни "Барселона"да кутишаётганини маълум қилди. У AS нашрига интервью берган.
"Тито Виланова - ажойиб мураббий ва инсон. У менга ёқади. "ПСЖ" Чемпионлар лигаси доирасида "Барселона" билан ўйнаганда орамизда қисқача суҳбат бўлганди. Ўшанда Тито мени "Барса"га таклиф қилган.
Ҳеч қандай музокаралар бўлмаяпти. Ўзимни жуда ҳотиржам сезяпман ва таътилда дам оляпман. Футболда ҳеч нарсани олдиндан билиб бўлмайди, лекин "ПСЖ" аъзоси эканимдан хурсандман. Клубимиз президенти билан ҳар куни гаплашиб турамиз. Клубни тарк этишим жуда оғир", деди Силва.
