Колумбия терма жамоаси сардори Хамес Родригес ҳамюрти Луис Диаснинг "Бавария"га ўтиши ҳақида фикр билдирди.
Мюнхен гранди 28 ёшли вингерни ўтган ой охирида "Ливерпуль"дан сотиб олганини эълон қилганди. Битим қиймати 70 млн еврога баҳоланмоқда.
"Фикримча, Лучо тўғри танлов қилди. "Бавария" ажойиб ўйинчини ўз сафига қўшиб олди, у жамоага жуда мос келади. Ўйлайманки, Луис бу буюк клубга катта фойда келтиради," - дея Родригеснинг сўзларини келтиради Revista Semana.













