"Барселона"да ҳимоячи Рональд Араухонинг келажаги бўйича қарор қабул қилинди. Transfer News Live нашрининг журналист Санти Овалега таяниб хабар беришича, каталонияликлар ёзда Араухони сотмоқчи эмас. "Кўк-анорранглилар" сафида уругвайлик ҳимоячини қимматбаҳо актив сифатида кўришмоқда.
Амалдаги шартнома Рональд Араухони "Барселона" билан 2031 йилнинг ярмигача боғлаб туради. Араухо Каталония жамоаси сафида жами 175 та расмий ўйин ўтказиб, 10 та гол урган ва 7 та голли узатмани амалга оширган.
Аввалроқ матбуот 26 ёшли Рональд Араухони Саудия Арабистонининг "Ал-Иттиҳод" клуби билан боғлаган эди.













