"Некакса" ҳужумчиси Рикардо Монреал "Интер Майами"га қарши ўйинда гол уриб, уни Криштиану Роналду услубида нишонлади.
Мексикалик футболчи 81-дақиқада гол уриб, жамоасини ҳисобда олдинга олиб чиқди (2:1), бироқ унинг голи ғалаба келтирмади: ҳакам томонидан қўшиб берилган вақтда Жорди Альбанинг аниқ зарбаси майдон эгаларини мағлубиятдан қутқариб қолди, кейин эса "Интер Майами" пенальтилар сериясида аниқроқ ҳаракат қилди.
Маълумот учун, Лионель Месси 11-дақиқадаёқ жароҳат олиб майдонни тарк этганди.
Лигалар кубоги гуруҳ босқичининг навбатдаги турида "Интер Майами" "Пумас"га қарши баҳс олиб борса, "Некакса" "Орландо Сити" билан куч синашади. Иккала учрашув ҳам 7 августга белгиланган.
