"Барселона" вингери Рафинья жамоа бош мураббийи Ханс-Дитер Флик ҳақида ўз фикри билан ўртоқлашди ва унинг кучли мотиватор ролини ва унга ривожланиш учун имконият берган шахс эканлигини таъкидлади.
"Агар сизда "Барселона"да ўйнаш учун мотивация бўлмаса, кетганингиз маъқул. Флик сизга ўзини кўрсатиш имкониятини беради, унинг қўл остидаги машғулотлар эса юқори савияда. Бу учрашувларга тайёргарлик кўришнинг калитидир", - деди Рафинья Sport.es нашрига берган интервьюсида.
Бразилиялик футболчи мураббийнинг шахсий аҳамиятини ҳам таъкидлаб ўтди: "Менинг ишим ва иқтидоримга ишонган ва сардор бўлишимга сабабчи бўлган шахс айнан Флик. Гарчи қарорни футболчилар қабул қилсалар ҳам, якуний сўзни мураббий айтади. Менинг вазиятимда у "ҳа" деди ва бу мен учун катта аҳамиятга эга".
