"Тоттенхэм" бош мураббийи Андре Виллаш-Боаш телефон орқали "Барселона" ҳужумчиси Давид Вильяни жамоасига ўтишга кўндиришга уриниб кўрди. Бу ҳақда The Times хабар тарқатган.
Маълумотларга қараганда, янги мавсумда португалиялик мураббий 4-3-3 схемасига ўтишни мўлжаллаб турибди ва Вильяни ушбу тизимда ё қанотда, ё марказий ҳужумчи чизиғида кўрмоқда.
Эслатиб ўтамиз, Каталония клуби Испания термаси ҳужумчисини 12 миллион фунтга сотишга тайёр. Давидга худди "Тоттенхэм" каби келаси мавсумни Чемпионлар лигасисиз ўтказадиган "Фиорентина" ҳам қизиқмоқда.
Ўтган мавсум Вилья Премьерода 28 ўйинда майдонга тушди ва 10та гол муаллифи бўлди.