28 ёшли испаниялик ярим ҳимоячи Дани Себальос жорий трансферлар даврида "Реал"ни тарк этиши мумкин.
Fichajes журналистларининг маълум қилишича, "қироллик клуби" ярим ҳимоячи билан хайрлашишга тайёр ва унга ўн миллион евро нарх белгилаган. Себальосга даъвогарлардан яна бир испан клуби - Севильянинг "Бетис" клуби тилга олинмоқда.
Ўтган мавсумда Дани Мадриднинг топ-клубида 45 та ўйинда иштирок этган. Ярим ҳимоячи жамоадошларига иккита голли пас берди. Испаниялик футболчининг "қаймоқранглилар" билан амалдаги меҳнат шартномаси муддати 2027 йилнинг июнь ойи охирида тугайди.













