Вингер Алехандро Гарначо "Манчестер Юнайтед" бош мураббийи Рубен Аморимга керак бўлмай қолди. Ёзги трансферлар ойнаси ёпилгунга қадар 21 ёшли аргентиналик "Челси"га кўчиб ўтиши мумкин. Гарначо айнан шу клубга ўтмоқчи.
Бироқ, ижтимоий тармоқларда обрўли инсайдер Фабрицио Романонинг ёзишича, Гарначонинг "Челси"га трансфери яқин орада амалга ошмаслиги мумкин. Гап шундаки, Лондон клуби айни дамда асосий эътиборни футболчиларнинг кетиши ва Хави Симонснинг трансферига қаратмоқда.
"Челси" ҳозирча Гарначо бўйича "Манчестер Юнайтед" билан музокара ўтказмаяпти. Асосий омил ўйинчининг нархи бўлади.
Нуфузли Transfermarkt портали Алехандро Гарначони 45 миллион еврога баҳоламоқда.
