"Челси" вингери Тайрик Жорж Лондон клубини тарк этиб, Германия чемпионатига ўтиши мумкин.
Бу ҳақда инсайдер Фабрицио Романо хабар берди. Манбага кўра, 19 ёшли футболчи кўпроқ ўйин вақтини олишни истамоқда.
"Челси"да ҳозирча бу яхши вариант эмас, чунки бош мураббий Энцо Мареска ёш футболчига асосий таркибдан жой беришга тайёр эмас.
Шунингдек, Жорж фаолиятини Бундеслигада давом эттириши мумкинлиги айтилмоқда. Унга "РБ Лейпциг" ва "Боруссия Мёнхенгладбах" қизиқиш билдирмоқда.
Тайрик Жорж "Челси" академияси тарбияланувчиси ҳисобланади. У ўтган ёзда катталар жамоасида дебют қилган.
2025 йилнинг апрель ойида у "кўклар" сафидаги илк голини урди.
