"Бавария" ва Германия терма жамоасининг собиқ дарвозабони Оливер Кан клуб хўжайини сифатида футболга қайтишни истамоқда. Унинг сўзларига кўра, у ёки бу клубга мураббий бўлиш таклифини олган, аммо рад этган.
"Бу мен учун муҳокама қилиш учун қизиқарли мавзу. Мен клуб хўжайини бўлишни, яъни узоқ муддатли фаолият билан шуғулланишни истардим. Мени Берлиннинг "Герта" клуби таклиф қилганди, аммо улар мени ўзларига мураббийлик қилишимни хоҳлашди. Мен эса бундай шароитда бу иш билан шуғулланишни истамайман, деб ҳисобладим", - дея Каннинг сўзларини келтиради derbyderbyderby.it.
Эслатиб ўтамиз, Германия чемпионатининг янги мавсуми 22 август куни старт олади.
