"Манчестер Юнайтед" бош мураббийи Рубен Аморим жамоанинг АҚШда ўтказган мавсумолди йиғинидан мамнун.
"Қизил иблислар" "Вест Хэм," "Борнмут" ва "Эвертон" билан ўртоқлик учрашувларида 7 очко жамғариб, Премьер-лиганинг ёзги серияси ғолибига айланди.
"Мавсумолди тур биз учун жуда муҳим бўлди, биз яхши ишладик. Олдинда яна икки ҳафта бор бу вақт ичида кўп нарса ўзгармайди, лекин биз аллақачон яхшиландик. Ўйлайманки, тур идеал тарзда ўтди", - деди Аморим.
17 август куни "МЮ" Премьер-лига янги мавсумининг илк ўйинини Лондоннинг "Арсенал" клубига қарши ўтказади.
