"Болонья" шарафини ҳимоя қилаётган швейцариялик ярим ҳимоячи Марсель Эбишер Италиянинг бошқа жамоасига кўчиб ўтди. Хавбек ижара асосида "Пиза" шарафини ҳимоя қилади, дея хабар бермоқда клуб матбуот хизмати.
Томонлар ўртасидаги меҳнат шартномаси жорий мавсум якунида тугайди. Келишувда маълум шартлар бажарилган тақдирда ўйинчини сотиб олиш мумкинлиги ҳақида банд бор.
Эбишер 2022 йилда "Болонья" сафига ўтганди. Ярим ҳимоячи Италия жамоаси сафида 102 та ўйинда иштирок этиб, 1 та гол ва 2 та голли узатмани ўз ҳисобига ёздириб қўйган. Унинг бозор нархи 7,5 миллион еврони ташкил этади.
