Айни пайтда "Ювентус"да тўп тепаётган бразилиялик ярим ҳимоячи Дуглас Луис Англиянинг "Ноттингем Форест" клуби билан шартнома шартларини келишиб олди, деб хабар бермоқда Италиянинг TuttoSport нашри.
27 ёшли футболчи 2030 йилнинг ёзига қадар шартнома имзолайди. Келишувга кўра, унинг йиллик маоши 2,5 миллион евро атрофида бўлади.
Дуглас Луиз "Ювентус"га 2024 йилда "Астон Вилла"дан ўтган эди. Ўтган мавсумда у А Серияда 26 ўйинда майдонга тушди, бироқ бирорта гол ҳам, голли узатма ҳам бера олмади.
Тез орада клублар трансфер шартлари бўйича музокараларни якунлаши кутилмоқда, шундан сўнг бразилиялик "Ноттингем" футболчисига айланади.
