"Штутгарт" ҳужумкор ярим ҳимоячиси Энцо Мийо фаолиятини Саудия Арабистонида давом эттиради, дея хабар берди инсайдер Фабрицио Романо.
Манбага кўра, Саудиянинг "Ал-Аҳли" клуби 23 ёшли французни сотиб олиш бўйича немис клуби билан оғзаки келишувга эришди.
Мийонинг ўзини трансферга кўндириш учун "Аҳли" бош мураббийи Матиас Яйссле катта меҳнат қилди.
Аввалроқ, Мийо Мадриднинг "Атлетико" клубига ўтишга яқин тургани ҳақида хабарлар чиққан эди.













