"Манчестер Сити" собиқ бош мураббийи Роберто Манчини "Ювентус"га янги келиб қўшилган Карлос Тевеснинг Турин клубида муваффақиятли ўйнаб кета олишига шубҳа қилмайди. Бу ҳақда италиялик мутахассис Tuttosport нашрига берган интервьсида маълум қилган.
"У айни "Ювентус"га етишмаётган турдаги футболчидир. Карлоснинг ҳисобига жамоа бир қадам олдинга жиддий қадам ташлаши мумкин.
У билан орамизда келишмовчилик? Ҳа, фақат бир дақиқалик. Ўшанда Тевес клубини ўзгартиришга тараддудланиб қолганди, аммо кейинчалик бу каби ҳолатлар бошқа такрорланмади.
Контеда Тевес билан ишлашда муаммо бўлмайди, чунки Карлос - ҳақиқий профессионал", деди Манчини.
Эслатиб ўтамиз, "Ювентус"га унинг трансфери 9 миллион еврога тушди.
