"Интер" Адемола Лукман бўйича "Аталанта" билан музокараларда муваффақиятсизликка учраса, унинг ўрнига муқобил футболчилар рўйхати маълум.

Бергамо клуби 27 ёшли ҳужумчини Миланга қўйиб юборишни истамаяпти, гарчи нигерияликнинг ўзи кетишни хоҳлаётган бўлса-да. Sky Sport хабарига кўра, агар Лукман трансфери амалга ошмаса, "Интер" Кристофер Нкунку ("Челси"), Алехандро Гарначо ва Жэйдон Санчо (иккаласи ҳам - "Манчестер Юнайтед") ўртасида танлов қилади, шунингдек, миланлик гранднинг радарига Германиянинг "РБ Лейпциг" клубидан Антонио Нуса тушган.

Аввалроқ, "Интер" Лукман бўйича якуний таклиф билан чиққани хабар қилинганди - 45 млн евро ва бонуслар. "Аталанта" ўз юлдузи учун 50 млн евро сўраган эди.