"Челси" ярим ҳимоячиси Карни Чуквуэмека Дортмунднинг "Боруссия" клубига қайтиш арафасида.
Клублар 21 ёшли футболчининг барча трансфер шартларини деярли ҳал қилишди, дея хабар беради инсайдер Николо Скира ўз ҳисоботида. Битим қиймати бонусларни ҳисобга олмаганда 25 млн фунт стерлингга (деярли 29 млн евро) баҳоланмоқда. Инглиз "асаларилар" билан оғзаки равишда беш йиллик шартнома тузишга келишиб олди.
Февралдан июлгача Карни Чуквуэмека "Боруссия"да ижара асосида ўйнади. Хавбек Дортмунд жамоаси сафида барча мусобақаларда 17 та ўйинда майдонга тушиб, битта гол урган.
2022 йилнинг ёзида "Челси" футболчини "Астон Вилла"дан 18 млн еврога сотиб олганди.
