"Рома" бош мураббийи Жан Пьеро Гасперини жамоанинг ҳужум чизиғи кучайгани ва украиналик ҳужумчи Артём Довбикнинг ўйини ҳақида гапирди.
"Бу масала фақат бизники эмас - бу барча жамоаларга тегишли. Ҳужумчиларга ҳамма катта пул сарфлайди. Ҳужум футболчиси - бу энг кўп қидириладиган ва энг қиммат нарса. Ҳужумда кучли ўйинчилар бўлган жамоалар рақобатбардошроқ бўлади.
Довбикни катта пулга сотиб олишди. У яхши ҳужумчи эканлигини исботлади, голларини урди. Биз унинг баъзи заиф томонларини, хусусан, жамоавий ўйинда иштирок этиш қобилиятини яхшилаш устида ишлаяпмиз", - дея Гасперинининг сўзларини келтиради RomaNews.
Ўтган мавсумда Артём клуб миқёсида 45 та ўйинда 17 та гол урди ва тўртта голли узатмани амалга оширди.
