"Ньюкасл"га тегишли бўлган 25 ёшли италиялик хавбек Сандро Тонали ватанига қайтиши мумкин. Бу ҳақда Gazzetta dello Sport нашри журналистлари хабар бермоқда.
Манбага кўра, ярим ҳимоячини Туриннинг "Ювентус" клуби ўз сафига қўшиб олмоқчи. "Кекса синьора" бозор қиймати 60 миллион еврога баҳоланаётган Тоналининг трансфери бўйича "ҳаккалар" билан музокара ўтказишни режалаштирган.
Ўтган мавсумда Сандро 45 та ўйинда қатнашиб, 6 та гол ва 3 та голли узатмани ўз ҳисобига ёздириб қўйди. Футболчи ва "Ньюкасл" ўртасидаги амалдаги меҳнат шартномаси муддати 2028 йилнинг июнь ойи охирида тугайди.
