"Nyukasl"ga tegishli bo‘lgan 25 yoshli italiyalik xavbek Sandro Tonali vataniga qaytishi mumkin. Bu haqda Gazzetta dello Sport nashri jurnalistlari xabar bermoqda.
Manbaga ko‘ra, yarim himoyachini Turinning "Yuventus" klubi o‘z safiga qo‘shib olmoqchi. "Keksa sinyora" bozor qiymati 60 million yevroga baholanayotgan Tonalining transferi bo‘yicha "hakkalar" bilan muzokara o‘tkazishni rejalashtirgan.
O‘tgan mavsumda Sandro 45 ta o‘yinda qatnashib, 6 ta gol va 3 ta golli uzatmani o‘z hisobiga yozdirib qo‘ydi. Futbolchi va "Nyukasl" o‘rtasidagi amaldagi mehnat shartnomasi muddati 2028 yilning iyun oyi oxirida tugaydi.
