"Челси" тез орада "Манчестер Юнайтед"га ҳужумчиси Уэйн Рунини сўраб, расмий таклиф жўнатмоқчи. Бу ҳақда The Telegraph хабар бермоқда.
Лондон клуби Моуриньо қўл остида тўп суришга қизиқиб қолган 27 ёшли футболчи учун 20 миллион фунт тўлашга тайёр.
Аввалроқ бугун "МЮ" бош мураббийи Дэвид Мойес Руни ва унинг вакиллари билан учрашиб, ҳужумчини жамоада олиб қолишга кўндириши ҳақида хабар бергандик.
Рунининг ўзи эса "МЮ"ни тарк этиш ниятида эканилигини яшириб ўтирмаяпти. Ўз навбатида "қизил иблислар" ҳам уни 35 миллион фунт эвазига қўйиб юборишга қарши эмаслар. Кўриб турганингиздек, "Челси" таклиф қилаётган 20 миллион Манчестер клубини қониқтирмаслиги тайин.
Айтиш жоиз, Рунига "Арсенал", "ПСЖ" ва "Реал" ҳам қизиқаётгани тўғрисида хабарлар бор.
