"Барселона" Жоан Гампер кубоги ўйинини "Камп Ноу" стадионида ўтказа олмайди, чунки клуб керакли лицензияни қўлга кирита олмаган. Бироқ, Испаниянинг Sport нашрининг ёзишича, аренадаги ишлар билан боғлиқ вазиятда сезиларли ўсиш кузатилмоқда. Сентябрь ойи бошида "кўк-анорранглилар" стадионни қисман тўлдириш мумкин бўлган лицензия олишни кутишмоқда.

Яъни, "Барселона" сентябрь ойи ўрталарида "Камп Ноу"да Ла Лигада "Валенсия"га қарши майдонга тушиш эҳтимоли юқори. Ўйин 30 мингдан 45 минггача томошабин сиғимида ўтказилиши мумкин. Октябрь ойида эса "кўк-анорранглилар" сиғимни 60 минг ўрингача оширишга умид қилмоқда.

Реконструкциядан сўнг "Камп Ноу"нинг тўлиқ очилиши келаси ёзда бўлиб ўтади.