Трансфер ҳуқуқи "Ливерпуль"га тегишли бўлган уругвайлик ҳужумчи Дарвин Нуньес Саудия чемпионатига кўчиб ўтишга яқин турибди.
Журналист Фабрицио Романога маълум бўлишича, мамлакатнинг етакчи клубларидан бири - "Ал-Ҳилол" раҳбарияти мерсисайдликлар билан футболчининг трансфери борасида келишиб олган. Саудия клуби Нуньеснинг ўзи билан шахсий шартнома тафсилотларини ҳал қилиши қолди.
26 ёшли тўпурар 2022 йилнинг ёзида Англия гранди сафига қўшилганди. Уругвайлик ва "қизиллар" ўртасидаги амалдаги меҳнат шартномаси муддати 2027/2028 йилги мавсум охирида тугайди. Нуньеснинг бозор нархи 45 млн еврони ташкил этади.













