"Манчестер Сити" марказий ҳимоячиси Жон Стоунс янги мавсум старти олдидан ўзини қандай ҳис қилаётгани ҳақида гапирди.
Инглизнинг доимий жароҳат олиши "шаҳарликлар"нинг ўтган мавсумдаги муваффақиятсизлиги сабабларидан бири бўлди. Футболчи барча мусобақаларда атиги 20 марта майдонга тушиб, 3 та гол ва 2 та голли узатмага муаллифлик қилган.
"Ҳозир аҳволим яхши. Мен формамни тиклаб олдим, ўзимни жуда яхши ҳис қиляпман - бир неча ойдан бери шундай. Ҳозирча ҳаммаси жойида," - дейди 31 ёшли футболчи.
16 август куни Хосеп Гвардиола жамоаси Премьер-лига янги мавсумининг 1-турида "Вулверхэмптон" меҳмони бўлади.
