"Барселона" футболчиларни рўйхатдан ўтказиш масаласини кейинроққа қолдирди.
Diario Sport хабарига кўра, "кўк-анорранглилар" муаммони кейинги ҳафтада ҳал қилишни режалаштирмоқда. Тез орада - 16 август куни Ханс-Дитер Флик жамоаси Ла Лига янги мавсумининг биринчи турида "Мальорка"га қарши баҳс олиб боради. Бироқ Каталония гранди босслари ҳамон барча футболчилар чемпионат стартига қадар рўйхатдан ўтказилишига ишонмоқда.
Биринчи расмий ўйин олдидан "Барселона" Жоан Гампер кубогида Италиянинг "Комо" клубига қарши майдонга тушади - беллашув яқинлашиб келаётган якшанба, 10 август куни бўлиб ўтади.













