"Ливерпуль" "Пари Сен-Жермен" вингери Брэдли Барколяга кўз тикмоқда. Яқинда француз ОАВлари "қизиллар"нинг футболчига қизиқиши ҳақидаги маълумотлар билан ўртоқлашганди. Инсайдер Фабрицио Романонинг сўзларига кўра, мерсисайдликлар ҳақиқатан ҳам 22 ёшли французни кузатишмоқда ва унинг маҳоратидан завқланишмоқда, аммо бундан ортиқ эмас - ҳозирча ҳеч қандай музокаралар олиб борилмаяпти. Англия гранди бор эътиборини "Ньюкасл"дан Александр Исак трансферига қаратган.

"ПСЖ" Барколани сақлаб қолмоқчи ва аллақачон унга янги шартнома тайёрламоқда. Клуб раҳбари Носир ал-Хелайфий, спорт маслаҳатчиси Луиш Кампуш ва бош мураббий Луис Энрике бир овоздан футболчи билан шартномани узайтириш тарафдори.