"Челси"нинг янги аъзоси Эстевао Виллиан Коул Палмернинг гапларидан ҳеч нарса тушунмаганини тан олди.
Бир ойдан сал кўпроқ вақт муқаддам 18 ёшли бразилиялик футболчи "Палмейрас" таркибида клублар ўртасидаги жаҳон чемпионатининг 1/4 финалида "Челси"га қарши майдонга тушган эди. Вундеркинд бўлажак жамоасига гол урди, аммо бу ғалаба учун етарли бўлмади - "кўклар" 2:1 ҳисобида ғалаба қозонди.
Ўйин тугагач, Палмер Эстевао билан гаплашганини, аммо у ҳеч нарсани тушунмаганини айтди.
"Палмер, Эссугу ва Делап ўша ўйиндан кейин ёнимга келишди. Ростини айтсам, мен Палмернинг биронта ҳам сўзини тушунмадим! Мен фақатгина унинг хурсанд эканлигини тушундим," - дея Эстеваонинг сўзларини келтиради "Челси" матбуот хизмати.
