"Верона"нинг қанот ҳимоячиси Жексон Тчатчуа "Ноттингем Форест"га ўтишга яқин турибди. Бу ҳақда журналист Себастьен Видаль хабар бермоқда.

Манбага кўра, "Верона" "ўрмончилар"нинг 12 миллион евро ва бонуслар миқдоридаги таклифини қабул қилган. Футболчининг ўзига юқори маошли 4 йиллик меҳнат шартномаси таклиф қилинган. Келишув яқин дам олиш кунларигача якунланиши кутилмоқда.

Италия чемпионатининг ўтган мавсумида Тчатчуа барча мусобақаларда 36та ўйинда майдонга тушиб, 2 та гол урган ва 3 та голга ҳаммуаллифлик қилган.

Transfermarkt портали мутахассислари 23 ёшли камерунлик футболчининг нархини 8 млн еврога баҳоламоқда.