"Монако" ярим ҳимоячиси Магнес Аклиуш Германия Бундеслигасига кўчиб ўтиш имкониятига эга, бу ҳақда инсайдер Флориан Плеттенбергнинг ижтимоий тармоқлардаги саҳифасида маълум қилинди.
Журналистга маълум бўлишича, 23 ёшли франциялик вингерни "Байер" ўз сафига қўшиб олмоқчи. Аклиушнинг трансферини "доришунослар"нинг янги бош мураббийи Эрик тен Хаг аллақачон маъқуллаган. Потенциал битим суммаси 50 миллион еврога баҳоланмоқда.
Франция чемпионатининг ўтган мавсумида 23 ёшли футболчи 32 та ўйинда иштирок этган. Аклиуш ўз ҳисобига бешта гол (биттаси пенальтидан) ва ўнта голли узатмани ёздириб қўйди.
