Бразилия терма жамоаси ва "Барселона" клуби ҳимоячиси Даниэль Алвешнинг фикрича, унинг терма жамоадаги шериги Неймар Леонель Месси билан жуда яхши чиқишиб кетади. Бу ҳақда Goal.com сайти хабар тарқатди.
"Келаси мавсум улар бомба бўладилар. Мен бунга Неймар жамоамизга келиб қўшилганиданиёқ амин бўлгандим. Ишонаманки, жамоамизнинг асосий футболчиларидан бирига айланади. Месси ва унинг бирга ўйнаши бизга фойдали бўлади.
Неймарнинг ўзи ҳам Месси билан тўп суришдан хурсанд. Бу икки камтар футболчи ўртасида ҳеч қандай муаммо бўлмайди", деди Алвеш.
