Миланнинг "Интер" клуби ҳужумчиси Меҳди Тареми "Фламенго"дан таклиф олди, дея хабар бермоқда FCInterNews.

Аввалроқ, бош мураббий Кристиан Киву 33 ёшли форвардга умид қилмаётгани, бу эса унинг арзонроқ нархда сотилишига йўл очаётгани ҳақида хабарлар тарқалган эди. Янги ҳужумчи қидираётган Бразилиянинг "Фламенго" клуби футболчига арзон нархдаги вариант сифатида қарамоқда.

Бироқ Тареми фаолиятининг ҳозирги босқичида Европани тарк этиш истагида эмас. Эронлик ҳужумчи келаси мавсумда Европанинг топ-5 чемпионатларидан бирида ўйнашни давом эттириш устувор вазифа экани, бу эса "Фламенго"нинг уни қўлга киритиш борасидаги уринишларини мураккаблаштириши мумкинлигини яққол кўрсатиб қўйди.