"Лос-Анжелес" клуби хўжайинларидан бири ва бош менежери Жон Торрингтон америкаликлар кореялик ҳужумчи Сон Хин Минни нима учун ўз сафига қўшиб олганини айтиб ўтди. Соннинг трансфери ҳақида 6 август куни маълум бўлди.
"Сон - дунё юлдузларидан бири ва жаҳон футболидаги энг динамик ва тажрибали ўйинчилардан бири. Унинг амбициялари, қобилиятлари ва характери "Лос-Анжелес"даги қадриятларимизга жуда мос келади. У ўзининг ажойиб фаолиятининг кейинги босқичи учун бизни танлаганидан фахрланамиз. Сон - туғма ғолиб ва жаҳон даражасидаги инсон ва ишонамизки, у клубимизни янги босқичга олиб чиқади ва жамоани - майдонда ҳам, ундан ташқарида ҳам илҳомлантиради," - дея Торрингтоннинг сўзларини келтиради "Лос-Анжелес" расмий сайти.
