"Los-Anjeles" klubi xo‘jayinlaridan biri va bosh menejeri Jon Torrington amerikaliklar koreyalik hujumchi Son Xin Minni nima uchun o‘z safiga qo‘shib olganini aytib o‘tdi. Sonning transferi haqida 6 avgust kuni ma’lum bo‘ldi.
"Son - dunyo yulduzlaridan biri va jahon futbolidagi eng dinamik va tajribali o‘yinchilardan biri. Uning ambisiyalari, qobiliyatlari va xarakteri "Los-Anjeles"dagi qadriyatlarimizga juda mos keladi. U o‘zining ajoyib faoliyatining keyingi bosqichi uchun bizni tanlaganidan faxrlanamiz. Son - tug‘ma g‘olib va jahon darajasidagi inson va ishonamizki, u klubimizni yangi bosqichga olib chiqadi va jamoani - maydonda ham, undan tashqarida ham ilhomlantiradi," - deya Torringtonning so‘zlarini keltiradi "Los-Anjeles" rasmiy sayti.
