Пайшанба куни "Олтин тўп"га даъвогар 30 кишилик рўйхат эълон қилинди. Номзодлар орасида "Реал"нинг уч футболчиси бор: ярим ҳимоячи Жуд Беллингем ва икки ҳужумчи - Винисиус Жуниор ва Килиан Мбаппе.

Испаниянинг Sport нашри журналистлари "Реал" ўз футболчиларининг номинацияга киритилишига ҳеч қандай муносабат билдирмаганига эътибор қаратди. Мадрид клуби ижтимоий тармоқларда бу мавзуда ҳеч қандай пост қолдирмаган. Бу ҳақда "қаймоқранглилар" клуби телеканалида ҳам гапирилмади.

Эслатиб ўтамиз, ўтган йили "Реал" сўнгги паллада "Олтин тўп" топшириш маросимини бойкот қилган, ўшанда матбуотда Родрининг ғалабаси ҳақида маълумотлар пайдо бўлганди. Узоқ вақт давомида Винисиус соврин учун фаворит деб ҳисобланган.