"Бавария" ўзининг расмий сайтида икки футболчи билан шартномани узайтиргани ҳақида маълумот жойлаштирди. Мюнхен гранди билан янги меҳнат шартномаларини 17 ёшли ярим ҳимоячи Леннарт Карл ва 16 ёшли ҳужумчи Уисдом Майк имзолади. Шартномалар муддати ошкор этилмаган.
Карл аллақачон "Бавария"нинг асосий жамоасида битта расмий ўйин ўтказган. Июнь ойида у клублар ўртасидаги жаҳон чемпионатида "Окленд Сити"га қарши ўйнади. Майк эса ҳали Мюнхен клуби асосий таркибида расмий дебют қилмаган.
Пайшанба куни "Бавария" ўртоқлик учрашувида "Тоттенхэм"ни 4:0 ҳисобида мағлуб этди. Майк ва Карл ўйинда иштирок этишди, Карл ҳатто гол ҳам урди.
