Лондоннинг "Арсенал" клуби Эберечи Эзе учун "Кристал Пэлас"га 60 млн евро беришга тайёр. Бу ҳақда TEAMtalk журналисти Фрейзер Флетчер хабар бермоқда.
Қанот вингерининг ўзи "тўпчилар" сафига қўшилишга қарши эмас. Қайд этилишича, бу трансфер "Арсенал" ярим ҳимоячи Фабиу Виейрани "Штутгарт"га сотилишига ҳам боғлиқ. Аввалроқ, "канонирлар" ушбу трансфердан 30 млн евро ишлаб олиши мумкинлиги ҳақида хабарлар тарқалган эди.
Бу ёзда "Арсенал" аллақачон ярим ҳимоячилар Мартин Субименди ва Кристиан Нёргор, дарвозабон Кепа Аррисабалага, ҳимоячи Кристиан Москера, вингер Нони Мадуэке ва ҳужумчи Виктор Дьёкерешни ўз сафига қўшиб олганди.
