Вингер Алехандро Гарначо "Манчестер Юнайтед"дан "Челси"га ўтиши мумкин. Аввалроқ, "қизил иблислар" 21 ёшли аргентиналикни 50 миллион фунтга (тахминан 57,7 миллион евро) сотишга тайёрлиги ҳақида хабарлар тарқалган эди. Лондонда битимни камроқ суммага ёпишни мўлжаллашяпти.
Sky Sports хабарига кўра, "Челси" Гарначони янада арзонроқ нархда сотиб олиш мумкинлигига ишонмоқда. "Аристократлар" келишувни муваффақиятли якунлаш учун ҳатто ёзги трансфер ойнаси охиригача кутишга ҳам тайёр.
Хабарингиз бор, Алехандро Гарначо "Манчестер Юнайтед"нинг асосий жамоасида машғулот ўтказмаяпти, сабаби у Рубен Аморимнинг режаларидан ўрин олмаган.
