"Вулверхэмптон" жорий трансферлар даврида "Челси"нинг бирданига икки футболчисини ўз сафига қўшиб олиш ҳақида ўйламоқда. Гап марказий ҳимоячи Аксель Дисаси ва ҳужумчи Давид Датро Фофана ҳақида кетмоқда. Журналист Николо Скиранинг ёзишича, "бўрилар" ҳар икки футболчи ҳақида маълумот сўраган. Франциялик ва ивуарлик "кўклар" сафини тарк этишга тайёр, чунки бош мураббий Энцо Мареска уларга умид қилмаяпти.
Машҳур Transfermarkt портали экспертлари 27 ёшли Дисасининг нархини 22 млн еврога, 22 ёшли Фофананинг нархини эса 6 млн еврога баҳоламоқда. Ҳар икки футболчининг амалдаги шартномаси 2029 йилнинг ўрталарида ўз ниҳоясига етади.
