"Ливерпуль" бош мураббийи Арне Слот ярим ҳимоячи Флориан Вирцнинг Англия футболига мослашуви ҳақида фикр билдирди.

Немис ёзда "қизиллар" сафига Леверкузеннинг "Байер" клубидан келиб қўшилди.

"Вирц Бундеслигада ўйнади, у ерда ҳар уч-тўрт кунда ўйнашга одатланганди, аммо икки ойдан сўнг биз ундан Премьер-лига ва Бундеслигадаги интенсивлик даражасини таққослаш ёки таққосламасликни сўрашимиз керак бўлади," - деди Слот матбуот анжуманида.

Флориан Вирц "Ливерпуль"га 125 млн еврога тушган. 22 ёшли футболчи "Байер" сафида барча мусобақаларда 197 та ўйинда 57 та гол ва 65 та голли узатмага муаллифлик қилган.