"Барселона" ярим ҳимоячиси Педри ўтган мавсумдаги муваффақиятлари ҳақида фикр билдирди.
- Ўтган мавсумда кўп ишладим ва жуда яхши даражада ўйнадим, деб ҳисоблайман. Умуман олганда, "Барселона"нинг савияси ҳақида гапирадиган бўлсак, ҳаммаси жуда яхши ўтди," - дея Педрининг сўзларини келтиради Barca Universal.
Испаниялик хавбек 2024/25 йилги мавсумда барча мусобақаларни ҳисобга олган ҳолда 59 та ўйинда майдонга тушиб, олтита гол урди ва саккизта голли узатма муаллифига айланди.
Ўтган мавсум якунларига кўра, "Барселона" Ла Лига чемпионлигини қўлга киритди, шунингдек, Испания кубоги ва Суперкубогини қўлга киритди.
