"Барселона"нинг испаниялик ярим ҳимоячиси Педри Лионель Месси клубни тарк этган пайтдаги ҳиссиётларини эслади.
Эслатиб ўтамиз, аргентиналик футболчи 2021 йилнинг ёзида "кўк-анорранглилар" молиявий қийинчиликлар туфайли футболчининг янги шартномасини рўйхатдан ўтказа олмагани учун "Барселона"ни тарк этганди.
- Лео Мессининг кетиши мен учун шок бўлди. Мен ўшанда Олимпиадада ўйнаганман ва бунга ишонишим қийин эди," - дея Педрининг сўзларини келтиради Barca Universal.
Месси "Барселона" тизимида 20 йилдан ортиқ вақт ўтказди. Бу вақт ичида у асосий жамоа сафида 778 та ўйинда 672 та гол урди ва 303 та голли узатмани амалга оширди.
