ПСВ А Серия форварди билан ҳужум чизиғини кучайтиришга яқин турибди. Нидерландия клуби "Парма" вингери Деннис Ман билан шартнома имзоламоқчи. Бу ҳақда инсайдер Фабрицио Романо хабар бермоқда.
Манбага кўра, клублар келишув тафсилотлари бўйича келишувга эришган. Ман бонусларсиз 8,5 млн евро эвазига ПСВга ўтади. Футболчи 2029 йилгача бўлган муддатга меҳнат шартномаси тузади.
Ўтган мавсумда Руминия терма жамоаси футболчиси "Парма" сафида 34 та ўйинда майдонга тушиб, 4 та гол урган ва 5 та голли узатмани амалга оширган. Transfermarkt маълумотларига кўра, Маннинг нархи - 10 млн евро.
