2023 йилда Давид де Хеа клубдаги ўн икки мавсумдан сўнг "Манчестер Юнайтед"ни тарк этди. "Қизил иблислар" ўшанда дарвозабон билан шартномани узайтирмасликка қарор қилганди. Манкунианликлар сафини тарк этганидан сўнг, де Хеа "Фиорентина" билан меҳнат шартномасини имзолашдан олдин бир йилни жамоасиз ўтказди.
Ҳозирда "Манчестер Юнайтед" ва "Фиорентина" ўртоқлик ўйини ўтказмоқда (танаффус - 1:1). Ўйин бошланишидан олдин "Олд Траффорд"да де Хеа шарафига тадбир уюштирилди. Жамоа сардори Бруну Фернандешнинг қўлидан 34 ёшли де Хеа эсдалик суратини қабул қилиб олди.
Давид де Хеа "Манчестер Юнайтед" сафида 545 та ўйинда 590 та гол ўтказиб юборган.
