Шанба куни "Манчестер Юнайтед" ҳужумчи Беньямин Шешко билан шартнома имзолаганини расман эълон қилди. 22 ёшли словениялик "қизил иблислар" сафига Германиянинг "РБ Лейпциг" клубидан кўчиб ўтган.
"Фиорентина"га қарши ўртоқлик ўйини олдидан Шешко "Олд Траффорд" стадионида мухлисларга таништирилди. Футболчи майдонга тушиб, мухлислар билан саломлашди, улар эса қарсаклар билан жавоб қайтаришди.
Эслатиб ўтамиз, "Манчестер Юнайтед" 2025/2026 йилги мавсумнинг илк расмий ўйинини 17 август, якшанба куни ўтказади. Шу куни Рубен Аморим жамоаси Англия чемпионати 1-тури доирасида "Арсенал"ни қабул қилади.















