Ҳужумкор ярим ҳимоячи Флориан Вирц ўз ватани Германияда нуфузли соврин қўлга киритди. Футболчи Kicker талқини бўйича йилнинг энг яхши футболчиси деб топилди.
Эслатиб ўтамиз, жорий йилнинг ёзида 22 ёшли Вирц "Байер"дан "Ливерпуль"га ўтган эди. Трансфер суммаси, ОАВ маълумотларига кўра, 125 миллион еврони ташкил этган. Бонуслар ҳисобига сумма жиддий ўсиши мумкин.
"Ливерпуль" якшанба куни 2025/2026 йилги мавсумдаги илк расмий ўйинини ўтказади. Арне Слот жамоаси Англия Суперкубоги доирасида "Уэмбли"да "Кристал Пэлас"га қарши баҳс олиб боради.













