Лондоннинг "Арсенал" клуби бош мураббийи Микель Артета ҳужумчилар Виктор Дьёкереш ва Кай Хаверц ҳақида фикр билдирди.
Швециялик ҳужумчи июль ойи охирида "канонирлар" сафига қўшилди. Трансфер инглиз грандига 66 млн еврога тушган.
"Дьёкереш ва Хаверц бирга ўйнашлари мумкин. Бундай ўйинчиларнинг мавжудлиги жамоа даражасини, бизнинг ҳужумдаги кучимизни оширади, шунингдек, бизга ўйин давомида ўзгаришлар учун қўшимча имкониятлар беради, бу эса рақибларга кўп муаммо туғдириши мумкин. Бу ёқимли бош оғриғи," - деди Артета интервьюсида.













