Марказий ҳимоячи Иньиго Мартинес "Барселона"дан "Ан-Наср"га ўтди.
Испаниялик футболчи Саудия клубига эркин агент сифатида бориб қўшилди - кетишидан олдин 34 ёшли футболчи "кўк-анорранглилар" билан шартномани ўзаро келишувга кўра бекор қилди. Diario Sport хабарига кўра, Мартинес "Барселона"ни тарк этиш ниятида бўлмаган, аммо "Ан-Наср"нинг таклифи жуда жозибали бўлиб чиқди - у Каталониядагига қараганда деярли икки баравар кўп маош олади.
Иньиго Мартинес 2023 йилнинг ёзидан буён "Барселона" шарафини ҳимоя қилиб келаётган эди. Бу вақт ичида футболчи "кўк-анорранглилар" сафида 71 та ўйин ўтказди.













