Мюнхеннинг “Бавария” клуби ҳужумчиси Харри Кейн яқинда “Тоттенхэм”га ўтган собиқ жамоадоши Матис Телнинг истиқболига юқори баҳо берди.
"Матис улкан салоҳиятга эга. У ҳужумда қайси позицияда ўйнамасин, ҳар доим хавфли ҳудудларда бўш жой топа олади, у яхши якунловчи ва яккама-якка вазиятларда зўр.
Лекин мен унга ортиқча босим ўтказмоқчи эмасман.
У ҳали жуда ёш ва Премьер-лигада ўйнаши керак. Гарчи "Бавария"да тажриба орттирган бўлса-да, у ҳали ҳам ўзини ривожлантириши ва бу ўйиндан завқланишини истайди.
Умид қиламанки, у Премьер-лигада порлай олади", - дея Кейннинг сўзларини келтиради Bayern & Germany.
