Жоан Гампер кубоги доирасида «Барселона» «Комо» жамоасига қарши майдонга тушди ва 5:0 ҳисобида ғалаба қозонди. Учрашув Йохан Кройфф стадионида бўлиб ўтди.
Фермин Лопес Мартин 21-дақиқада ҳисобни очиб, мезбонларни олдинга олиб чиқди. 35-дақиқада у дублни расмийлаштирди. 37-дақиқада Рафинья ҳисобни йириклаштирган бўлса, 42-дақиқада Ламин Ямаль рақиб дарвозасини ишғол этди ва 49-дақиқада у ҳам дубл муаллифига айланди.
Эслатиб ўтамиз, Жоан Гампер кубоги — «Барселона» томонидан ҳар йили ўтказиладиган ўртоқлик ўйини ҳисобланади. Илк марта 1966 йилда каталонияликлар президенти Энрике Льоде ташаббуси билан ташкил этилган. Соврин «Барселона» асосчиси ва афсонавий президенти Жоан Гампер номи билан аталган.
10 август 2025 йил, якшанба.
Барселона (Испания) — Комо (Италия) - 5:0
Голлар: 1:0 — Лопес Мартин (21'), 2:0 — Лопес Мартин (35'), 3:0 — Рафинья (37'), 4:0 — Ямаль (42'), 5:0 — Ямаль (49')













